ଏ ମାହେନ୍ଦ୍ର ବେଳା - ବିଜ୍ଞାନୀ ଦାସ, ଡେଟନ୍, ମେରୀଲାଣ୍ଡ୍
ଏ ମାହେନ୍ଦ୍ର ବେଳା
ମନ ସରୋବରେ ନଳିନୀ ବିକଶି
ମନ ସରୋବରେ ନଳିନୀ ବିକଶି
ଦଶଦିଗ ମହକାଇଲା
ସୁଗନ୍ଧେ ପ୍ରାଣ ମୋହିଲା ।
ଏ ମାହେନ୍ଦ୍ର ବେଳା
ସୁଗନ୍ଧେ ପ୍ରାଣ ମୋହିଲା ।
ଏ ମାହେନ୍ଦ୍ର ବେଳା
ଗୁଣୁଗୁଣୁ ଗାଉଥିଲା ପବନ ତା ମଧୁ ସୁରେ
ଛୁଉଁଥିଲା ତନୁମନ ତା' କାଉଁରୀ ପରଶରେ
ଏତେ ରଙ୍ଗ ଥିଲା ସତେ ଏଇ ପୃଥିବୀରେ
ବିଞ୍ଚିଗଲା ଚାରିଦିଗେ କେଡେ ସରାଗରେ,
ମନେ ରଙ୍ଗ ଲାଗିଲା ।୧।
ଛୁଉଁଥିଲା ତନୁମନ ତା' କାଉଁରୀ ପରଶରେ
ଏତେ ରଙ୍ଗ ଥିଲା ସତେ ଏଇ ପୃଥିବୀରେ
ବିଞ୍ଚିଗଲା ଚାରିଦିଗେ କେଡେ ସରାଗରେ,
ମନେ ରଙ୍ଗ ଲାଗିଲା ।୧।
ଏ ମାହେନ୍ଦ୍ର ବେଳା
ଶୂନ୍ୟରେ ରୋଶଣି ଜାଳି, ଦଶଦିଗ ଚମକାଇ
ପକ୍ଷୀରାଜ ଘୋଡା ପରେ, ବୀର ରାଜପୁତ୍ର କେହି
ଦେଖୁଦେଖୁ ପହଞ୍ଚିଲା ସିଏ ମୋର କତି
ମୃଦ୍ୟୁ ହାସେ ଢାଳିଦେଲା ଅସରନ୍ତି ପ୍ରୀତି
ହୃଦ ବହକି ଗଲା ।୨।
ପକ୍ଷୀରାଜ ଘୋଡା ପରେ, ବୀର ରାଜପୁତ୍ର କେହି
ଦେଖୁଦେଖୁ ପହଞ୍ଚିଲା ସିଏ ମୋର କତି
ମୃଦ୍ୟୁ ହାସେ ଢାଳିଦେଲା ଅସରନ୍ତି ପ୍ରୀତି
ହୃଦ ବହକି ଗଲା ।୨।
ଏ ମାହେନ୍ଦ୍ର ବେଳା
ବାଜିଲା ଯୋଡି ମହୁରି, ଶଙ୍ଖ, ଢୋଲ, ଭେରୀ, ତୁରୀ
ବେଦୀପରେ ବେଦମନ୍ତ୍ର, ଅଗ୍ନି ଦେବ ପୂଜା କରି
ସ୍ୱାଧୀନ ଚେତନା ପରେ, ପଡିଲା ଶିକୁଳି
ଅହମିକା, ଅହଂ ଭାବ, ପଡିଲା ହୁଗୁଳି
ସବୁ ବଦଳି ଗଲା ।୩।
ବେଦୀପରେ ବେଦମନ୍ତ୍ର, ଅଗ୍ନି ଦେବ ପୂଜା କରି
ସ୍ୱାଧୀନ ଚେତନା ପରେ, ପଡିଲା ଶିକୁଳି
ଅହମିକା, ଅହଂ ଭାବ, ପଡିଲା ହୁଗୁଳି
ସବୁ ବଦଳି ଗଲା ।୩।
ଏ ମାହେନ୍ଦ୍ର ବେଳା
କିଏ ଅବା ଜାଣିଥିଲା, ଦିନେ ଏମିତି ଘଟିବ
ଟିକିଏ ପ୍ରେମରେ ମନ, ଢଳି ଏମିତି ଝୁରିବ
ଆପଣା ମଣିଷ ମାନେ, ଦୂରେ ରହିଯିବେ
ଅଜଣା ଅଶୁଣା କିଏ, ଅନ୍ତରଙ୍ଗ ହେବେ
ବିଧି ବିଧାନ କଲା ।୪।
ଟିକିଏ ପ୍ରେମରେ ମନ, ଢଳି ଏମିତି ଝୁରିବ
ଆପଣା ମଣିଷ ମାନେ, ଦୂରେ ରହିଯିବେ
ଅଜଣା ଅଶୁଣା କିଏ, ଅନ୍ତରଙ୍ଗ ହେବେ
ବିଧି ବିଧାନ କଲା ।୪।
ଏ ମାହେନ୍ଦ୍ର ବେଳା
ଯେଉଁଦିନ ତୁମେ ମୋର ଏଇ ଜୀବନେ ଆସିଲ
ଯାଦୁ ତୁମ ବଚନରେ ମୋହି ହୃଦୟ ଛୁଇଁଲ
ଆଖି ମୋର ଲାଖି ଗଲା, ତୁମ ଆଖି ସାଥେ
ଭାବିଲି କେମିତି ସ୍ୱପ୍ନ ଦେଖିଲି ଜାଗ୍ରତେ
ଶ୍ୱାସ ଅଟକି ଗଲା ।୫।
ଯାଦୁ ତୁମ ବଚନରେ ମୋହି ହୃଦୟ ଛୁଇଁଲ
ଆଖି ମୋର ଲାଖି ଗଲା, ତୁମ ଆଖି ସାଥେ
ଭାବିଲି କେମିତି ସ୍ୱପ୍ନ ଦେଖିଲି ଜାଗ୍ରତେ
ଶ୍ୱାସ ଅଟକି ଗଲା ।୫।
ଏ ମାହେନ୍ଦ୍ର ବେଳା
ପ୍ରସାରିତ ବାହୁ ତୁମ ବ୍ୟାପି ମୋର ଆତ୍ମା ଛୁଏଁ
ହୃଦୟ ଆଡକୁ ଆପେ ଟାଣେ, ବିସ୍ତାରିତ ହୁଏ
ଭରିଦିଏ ସ୍ନେହ ତାପ, ସଂଚାରେ ସ୍ପନ୍ଦନ
ଶୀତଳ ପରାଣେ ମୋର ଜଗାଏ କଂପନ
ସତେ ସୁଧା ଝରିଲା ।୬।
ହୃଦୟ ଆଡକୁ ଆପେ ଟାଣେ, ବିସ୍ତାରିତ ହୁଏ
ଭରିଦିଏ ସ୍ନେହ ତାପ, ସଂଚାରେ ସ୍ପନ୍ଦନ
ଶୀତଳ ପରାଣେ ମୋର ଜଗାଏ କଂପନ
ସତେ ସୁଧା ଝରିଲା ।୬।
ଏ ମାହେନ୍ଦ୍ର ବେଳା
ବର୍ଷା ପରେ ତୁମେ ଆସ ଦୀପ୍ତ ଅଂଶୁମାନ ହୋଇ
ପ୍ରକାଶରେ ଉତ୍ତାପରେ ଦିଅ ଆକର୍ଷଣେ ଛୁଇଁ
ତୁମେ ଥିଲେ ଆଉ କିଛି ନଥାଏ ମୋ ଡର
ଆସୁ ଯେତେ ଝଡ ଝଞ୍ଜା ତୁମେ ତ ମୋହର
ସବୁ ସୁଖ ପସରା ।୭।
ଏ ମାହେନ୍ଦ୍ର ବେଳା
(ଏହି କବିତାଟି ଓସା ସୁବର୍ଣ୍ଣ ଜୟନ୍ତୀ ଉପଲକ୍ଷ୍ୟେ ଆୟୋଜିତ କବିତା ପାଠୋତ୍ସବରେ ଆବୃତ୍ତି କରାଯାଇଥିଲା)
Leave a Reply